ازيكم عاملين، وحشتوني ووحشتني اللعبة جدا.

انا عارف اني مقصر معاكم في التحديثات للعبة دي، بس بفكر ان شاء الله اعمل إعادة برمجة للعبة بحيث انها تكون خلصانه من كل الأخطاء، وتكون جاهزة للعب بطريقة أسهل.

لحد دلوقتي والله مش عارف اعمل نسخة موبايل للناس الي عايزة تلعبها على التلفون، وبحاول على قد ما اقدر اني الاقي حل، حتى لو هعملها بنفسي.

بس خلي بالك، مفيش تحديثات لحد دلوقتي عشان للي مش عارف، انا طالب ثانوية عامة يعني محتاج اركز في مذاكرتي احسن من اني اقعد اعمل لعبة. انا عارف اني بدأت اشتغل في اللعبة وانا اساسا لسه في الثانوية، بس ده كان في وقت فراغي (انا عملت اللعبة في اسبوع)

بالمختصر، مفيش اي تحديثات لحد ما اخلص الثانوية وادعولي بالتوفيق. وان شاء الله هعمل تحديث للعبة في أقرب وقت.